Ayuntamiento de lasarte-oria

IRITSI DIRA AZKENIK San Pedro Jaiak. Beste uste batez, pozez eta zoriontasunez beteriko egunak dira hauek, lasarteoriatar guztiok kalera irtenda eta blusa jantzita gure herriko jaiak ospatzen ditugunak. Horrela bada, alkatetza eskuratu berri honetatik, lagunartean eta festa giroan, kaleak kolorez betetzeko deia egiten dizuegu.

Honetaz gain, egun hauetarako prestaturiko ekintza ezberdinetan parte hartuko duten norbanako, herriko talde eta elkarte ezberdinak zoriondu nahiko genituzke, zuok baitzarete benetan herriari bizia emanaz San Pedro jaiak posible egiten dituzuenak. Azken batean, herriak egiten ditu festak, ez egitarauak. Eta, hau horrela izanik, hemendik aurrera ere lanari tinko eutsi eta ekiteko gonbitea luzatu nahi dizuegu, ospakizun benetan partehartzaile eta zabal batzuk posible egiteko.

Bukatzeko, ez ditugu ahaztu nahi, arrazoiak arrazoi, gure artean egongo ez direnak; etorkizunean horrela berriro ez gertatzeko gure desioa azaldu nahi dugu.

Beraz, ametsak bete eta gozatu herriko jaiak.!

GORA SAN PEDRO JAIAK !   GORA LASARTE-ORIA!

Alkateak  -  Pablo Barrio