Ayuntamiento de lasarte-oria

Lasarte-Usurbil Institutuko16 eta 18 urte arteko 16 gaztek Udaleko zinegotzien lekua hartu zuten apirilaren 17an egin zen lehen Pleno Gaztean. Horrela, Gazteria eta Festetako sailak aukera eman nahi izan zien gizartean gertatzen diren eta gazteak arduratzen dituzten gaiak pleno aretoan lantzeko. Ikasleek heriotza zigorra, pobrezia, genero indarkeria, homofobia, terrorismoa eta bestelako arazoak salatu zituzten eta udalerri mailan hartzeko neurriak proposatu zituzten.