Ayuntamiento de lasarte-oria

Inbertsioa 2,5 milioi eurokoa izango da eta obraren finantzazioa Udalaren eta Gipuzkoako Foru Aldundiaren artekoa izango da. Lau urteko gestioaren ondoren, Ana Urchueguía alkateak orain dela hilabete batzuk sinatu zuen elkarlanerako hitzarmena aldundiarekin. Adinekoen beharrak asetzeko eta beren bizi-kalitatea hobetzeko apustua da.

 

Proiektuak aurreikusten du eraikina handitzea eta altzariak bertan bizi direnen beharretara egokitzea. Gainera, Psikogeriatriako Unitate bat sortuko da 400 metro karratutik gora eta 15 plaza izango dituena. Alkateak beharrezko ikusten du egoitzan bizi direnen perfil ezberdinetara egokitzea, izan ere, “ez ditugu gure aiton-amonak udalerritik kanpo lekualdatu nahi, beste egoitza batzuetan egiten duten moduan”. Horretarako, perfil ezberdinetako adinduentzako espazioak sortuko dira, hau da, basikoa, osasun-kargaduna, narriadura kognitiboko perfila eta psikogeriatrikoa”. Azkenik, Eguneko Zentroa 15 plazatik 25era handituko da erantzun egokiagoa emateko.

 

Elkarlanerako hitzarmenak jasotzen duen moduan, Foru Aldundiak %75 abonatuko du eta gainontzekoa Lasarte-Oriako Udalak finantzatuko du.

 

Alkatearen hitzetan, “gure aiton-amonek beren ingurunean egoteko aukera izatea defendatzen dugu argi eta garbi, ulertzen baitugu beren bizitzako azken etapan hori izan daitekeela egokiena, eta ildo horretan lanean jarraituko dugu”.