Lasarte-Oriak errotazioko lehen aparkalekua du dagoeneko Osasun Zentro berriaren eraikinean. Abuztuan zabaldu zuten ezagutzen eta bere funtzionamendua probatzen joateko. Orain, ikasturte berriaren hasieran, Udalak herritarrak animatu nahi ditu parkinga erabiltzera.
Solairu bateko parkinga da eta 40 aparkaleku ditu, horietako bat mugikortasun urriko pertsonentzat. Eguneko 24 orduetan zabalik egongo da eta tarifak ezartzeko Legazpiko eredua jarraitu da.
Gobernu taldeak jakin badaki askorentzako arazo handia bihurtzen ari dela autoa Lasarte-Orian aparkatzea eta lanean ari dira zailtasun hori ahal den neurrian arintzeko.
IBILGAILUAK PARKING PUBLIKOETAN APARKATZEAGATIKO TASA
TARIFA
1.- Eguneko tarifa DENBORAKO (minututan)
| 0-60 min | 0.010€/min |
| 61-180 min | 0.020€/min |
| 181-600 min | 0,024€/min |
| Eguneko gehiengoa | 14,00€ |
LARRIALDIETARAKO TELEFONO ZENBAKIA: 943 37 60 55